Ազգերի լիգայի անցումային փուլում մարտի 20-ին Երևանի Հանրապետական մարզադաշտում կայանալու է Հայաստանի և Վրաստանի հավաքականների միջև առաջին հանդիպումը: Տոմսերի վաճառքը դեռ չի սկսվել:
3 օր անց, մարտի 23-ին, Թբիլիսիում կայանալու է այս հավաքականների միջև պատասխան խաղը: Տոմսերի վաճառքը սկսվելուց մի քանի ժամ անց բոլոր տոմսերը սպառվել են:
«ՉԻ». Մի հատ խորացեք, էլի. Երևանի Հանրապետական մարզադաշտը տեղավորում է 15 հազար հանդիսական, բայց մինչև հիմա տոմսերի վաճառք չկա:
Իսկ Թբիլիսիի Պայչաձեի անվան մարզադաշտը տեղավորում է 55 հազար հանդիսական, ու արդեն տոմսերը վաճառվել են:
Սա ցույց է տալիս կազմակերպչական աշխատանքների վրացական մակարդակի ու հայկական մակարդակի տարբերությունը: Սար ու ձոր:
Ասենք ավելին. որ տոմսերի վաճառքը մեզ մոտ սկսեն, շիլաշփոթ է լինելու, ինչպես նախկինում արդեն քանիցս եղել է: Մինչև հիմա տոմսերի վաճառքի նորմալ գործող համակարգ չեն կարողանում գործարկել: