ԱԺ ՔՊ խմբակցության պատգամավոր Արթուր Հովհաննիսյանը գրել է. «Խորհրդարանում հայտնված ռեւանշիստներն այս օրերին չեն փորձում պարզապես երևանյան ճանապարհները փակել, նրանք փորձում են փակել Հայաստանի և Արցախի ժողովրդի խաղաղության ճանապարհը։
Նոյեմբերի 9-ի վարձկան ակտիվիստներ, նախկին թալանչի պաշտոնյաներ, խաղաղ ցուցարարների վրա նռնակ նետող նախկին ոստիկաններ, ոչ պատերազմական իրավիճակում բանակը թալանող...»:
«ՉԻ». Էլ չենք շարունակում: Առանց դրա էլ գիտեք, թե շարունակության մեջ ինչ է գրված: Քոչարյան, մոչարյան, նախկին, հանցագործ և այլն:
Մենակ թե, էս պլաստինկեն պետք է փոխեք: Այն արդեն փչացել է: Ուզում է, Քոչարյանն ու Սերժ Սարգսյանը հազարապատիկ թալանչի լինեն, դրանից դուք լավը չեք դառնալու: Երբ Քոչարյանն ու Սերժ Սարգսյանը ձեզ չէին խանգարում, ասպարեզում չէին, դրանից ձեր ՕԳԳ-ն մի գրամ չավելացավ:
Քոչարյանն ու Սերժը ինչքան էլ վատը լինեն, մեկ է, դուք խաղաղություն բերողը չեք: Խաղաղություն բերելու ձեր ժամանակը վաղուց մնացել է անցյալում, հիմա խաղաղություն մուրալու ժամանակն եք թևակոխել:
Նախկինները ինչպիսի մութ անցյալ էլ ունենան, ձեր ապագան ավելի մութ է լինելու: