Բնապահպանության և ընդերքի տեսչական մարմինը հայտնել է, որ իր աշխատակիցներն Արմավիրի մարզի Փարաքար խոշորացված համայնքի Մերձավան բնակավայրում հայտնաբերել են բազալտի և տուֆի ապօրինի արդյունահանման դեպք: Պարզվել է, որ ապօրինի արդյունահանվել է 1470 խմ տուֆ և 18435 խմ ծավալով բազալտ:
«ՉԻ». Շատ հետաքրքիր է բայց: Եթե հայտարարեին, որ այսինչ խանութում հայտնաբերել են երկու հատ ժամկետանց մածուն կամ Սևանում 10 կգ սիգ ձուկ, բան չէինք ասի:
Բայց ո՞նց է հնարավոր, որ մի տեղ թաքուն և ապօրինի արդյունահանեն, հարյուրավոր բեռնատարներով տեղափոխեն տուֆ ու բազալտ, ու դա նոր հայտնաբերվի: Այսինքն՝ ամիսներ շարունակ գործող քարի հանք է եղել: Ոնց որ ասեին՝ հայտնաբերվել է ավտոմեքենաներ արտադրող ապօրինի գործարան:
Մինչև հիմա այդ հանքը ոչ մեկի աչքով չէ՞ր ընկել: Կարո՞ղ ենք այստեղից ենթադրել, որ Հայաստանում բազմաթիվ նման քարհանքեր կան, որոնց գործունեությունն աննկատ է մնում: