- Պրն Քոչարյան, Պոզների հետ Ձեր հարցազրույցը․․․
- Ի՞նչ 200 հազար դոլար։ Ստոր հույհույանքներ են։
- Երևի ուզում էիք ասել՝ հերյուրանքներ։
- Հա, էլի, դրանից։ Ես 200 հազար դոլարը ծախսելու ավելի լավ ձև գիտեմ, դա 40 հազար հատ պիցցա յա, կամ էլ 39950 հատ՝ պլյուս Վազգեն Մանուկյանի 3 հատ ելույթ։
- Լավ, քանի որ անցանք ներքաղաքական խնդիրներին՝ չէի՞ք ասի, թե ինչու եք ուզում վերադառնալ իշխանության։
- Ես մեծ փորձ ունեմ։ Մի անգամ Ղարաբաղն եմ դուրս բերել ծանր վիճակից, մի անգամ՝ Հայաստանը։
- Դե, դատելով արդյունքներից՝ լավ կլիներ մի անգամ էլ Ադրբեջանը դուրս բերեիք․․․ Լավ, իսկ ո՞ր ուժերի հետ եք մասնակցելու ընտրություններին։
- Դեռ չեմ որոշել։ Վանեցյանը՝ եսի՞մ, մի անգամ արդեն Արթուրիկ անունով հաճախորդ ունեցել եմ, էն դաշնակներն էլ շատ թանկաշուկա են․․․ Տեսնում ե՞ք՝ ինչ գրական հայերեն եմ խոսում։
- Իսկ լուրջ մրցակցությունից չե՞ք վախենում։ Օրինակ՝ Կոնգրեսը․․․
- Հազար անգամ ասել եմ՝ «Կոնգրեսը» իմը չի, տղայինս ա, աշխատավարձից կոպեկ-կոպեկ հավաքել ա, 6 միլիոն դոլարով առել։
- Չէ, հյուրանոցի մասին չէի հարցնում, այլ կուսակցության։
- Ո՞նց, Կոնգրեսը կարող ա մասնակցի՞․․․
- Հանգստացեք, պրն Քոչարյան, ինչո՞ւ սփրթնեցիք, ջուր խմեք։
- Չէ, չէ, ուղղակի մի քիչ նյարդացա։ Բայց հաստա՞տ կարող ա մասնակցի․․․
- Պրն Քոչարյան, մարտի 1-ի գործից պրծաք, բայց ոնց որ թե կարող են նոր մեղադրանքներ ներկայացվել։
- Ի՞նչ մեղադրանքներ։ Հոկտեմբերի 27-ը՞:
- Չէ։
- «Պապլավոկի» գո՞րծը։
- Չէ։
- 4 միլիարդ դոլար թալանե՞լը։
- Չէ։
- Ընտրություններ կեղծե՞լը։
- Չէ։
- Պետական գույքն օտարե՞լը։
- Չէ։
- Բա ուրիշ ի՞նչը, էլ ոչ մի լուրջ բան չեմ արել։ Այնպես որ՝ կրելու եմ։
- Այդ հանցանքների պատասխանատվության բե՞ռը։
- Չէ, ընտրությունները։
- Եթե սատանան Ձեզ անմահություն առաջարկի․․․
- Հա, Պոզներն էլ էդ հարցը տվեց, չնայած էն 200 հազարի մեջ չէր մտնում։ Իհարկե կհրաժարվեմ անմահությունից։
- Ինչո՞ւ։
- Անմահությունն ինչի՞ս ա պետք, եթե Հայաստանում ցմահ ազատազրկումը չեն վերացրել։
- Փաստորեն հոռետես եք։
- Էդ ի՞նչ բառեր եք օգտագործում։
- Նկատի ունեի՝ պեսսիմիստ։
- Հա դե եսի՞մ։ Համ ասում եք Կոնգրեսը կարող ա մասնակցի․․․