ԱԺ «Հայաստան» խմբակցության պատգամավոր Աղվան Վարդանյանը անդրադառնալով մահապարտների խումբ ստեղծելու գաղափարին՝ ասել է. «200-ից ավել մահապարտների անուններ եմ արդեն գրել, իմ անունը մոռացել էի»:
«ՉԻ». Հաա՜... բա տենց ասա: Մարդը կատվի վզից զանգ կախելու կոչ էր արել, համա իրեն մոռացել էր ցանկում ընդգրկել: Թե չէ մնացել էինք զարմացած:
Թեպետ, տրամաբանությունը հուշում է, որ նման նախաձեռնությամբ հանդես եկող մարդն առաջինը իրեն պետք է նշի, այսինքն՝ հայտարարի, որ մահապարտ է և կոչ անի միանալ իրեն:
Իսկ այստեղ ճիշտ հակառակն է. նախաձեռնությամբ է հանդես գալիս, հետո վերջում իբր միանում այդ նախաձեռնությանը: Իբրը ո՞րն է, որ ասում է՝ մոռացել եմ: