«ՉԻ» ընթերցողներից մեկն (Ֆրանսիայի քաղաքացի) այսօր Երևանից մեկնել է Փարիզ, այնտեղի օդանավակայանից զանգահարել ու բառացիորեն խնդրել է, որպեսզի առողջապահության նախարար Արսեն Թորոսյանին մեդալ տան:
Ընթերցողը պատմում է, որ այն, ինչ տեսել է օդանավակայանում և Փարիզի փողոցներում, վեր էր իր երևակայությունից: Ի տարբերություն «Զվարթնոց» օդանավակայանի, Փարիզի օդանակավայան ժամանողներին ոչ ոք չի ստուգում, նման բան չկա, ուղևորները, անցորդները առանց դիմակների են:
Մեզ զանգահարած քաղաքացին նաև ապշած է մնացել Փարիզի օդանավակայանի սանիտարահիգիենիկ բարձիթողի վիճակից: Սպասասրահները, զուգարանները կեղտոտ են, աղբը թափված է գետնին, նույնը՝ փողոցներում: Ըստ քաղաքացու, համեմատության որևէ եզր չկա Հայաստանի, մասնավորապես՝ «Զվարթնոց» օդանավակայանի մաքրության և սանիտարահիգիենիկ պայմանների հետ:
Քաղաքացին նաև լուսանկարներ է ուղարկել Փարիզի օդանավակայանից, որոնք հաստատում են նրա պատմածը:
