Բուլղարիայում այսպես են անվանում բանջարեղենով և անանուխի ինքնատիպ համով լոբապուրը:
Բաղադրիչները
4 բաժնի համար
- 200 գ չոր սպիտակ լոբի
- 2 լ ջուր
- 4 ճ.գ. բուսական յուղ
- 1 գլուխ սոխ
- 1 հատ գազար
- 2 հատ լոլիկ
- 1 հատ բուլղարական պղպեղ
- 2 թ.գ. չորացրած անանուխ
- 1 1/2 ճ.գ. աղացած պապրիկա
- աղ, աղացած սև պղպեղ՝ ըստ ճաշակի
Պատրաստման եղանակը
- Լոբին լվացեք, 10-12 ժամով թրջեք: Հետո հեղուկը թափեք:
- Լոբին լցրեք կաթսայի մեջ, վրան 1 լիտր ջուր ավելացրեք ու եռալուց հետո միջին ուժգնության կրակի վրա 5 րոպե եփեք:
- Ջուրը թափեք, 2 ճ.գ. բուսական յուղ ավելացրեք և անընդհատ խառնելով՝ 2 րոպե տապակեք:
- Ավելացրեք մնացած 1 լիտր ջուրը, եռացրեք և միջին ուժգնության կրակի վրա 45-50 րոպե եփեք:
- Սոխը մանրացրեք: Գազարը խոշոր քերիչով քերեք կամ ոչ մեծ կտորներով կտրատեք: Բանջարեղենը 2 ճ.գ. բուսական յուղի մեջ 6-8 րոպե տապակեք:
- Ավելացրեք կտրտած լոլիկն ու բուլղարական պղպեղը, չորացրած անանուխը, պապրիկան, աղն ու աղացած սև պղպեղը: Եվս 5 րոպե տապակեք:
- Տապակած բանջարեղենը լցրեք լոբով կաթսայի մեջ: Եռացրեք ու 20-25 րոպե էլ եփեք: