Ձվածեղի պատրաստման այս եղանակը հեշտ է ու հատուկ հմտություններ չի պահանջում: Պատրաստեք դդմիկով ձվածեղը առավոտյան նախաճաշի համար:
Բաղադրիչները
1 բաժնի համար
- 2 հատ ձու
- 20 գ դդմիկ
- 50 մլ կաթ
- 10 գ կարագ
- աղ
- աղացած սև պղպեղ
Պատրաստման եղանակը
- Ձվերը ջարդեք խորը պնակի մեջ, վրան լցրեք կաթն ու հարեք մինչև մակերեսին պղպջակների հայտնվելը:
- Դդմիկը խոշոր քերիչով անցկացրեք, ավելացրեք կաթնաձվային խառնուրդին:
- Ըստ ճաշակի՝ համեմեք աղ ու պղպեղով:
- Փոքր չափի բանկան ներսից պատեք կարագով:
- Բանկայի մեջ լցրեք կաթնաձվային խառնուրդը:
- Վերցրեք կաթսան, մեջը կտորից անձեռոցիկ փռեք, վրան դրեք բանկան: Կաթսայի մեջ տաք ջուր լցրեք այնքան մինչև ջրի մակարդակը բանկայի զանգվածից մի փոքր բարձր լինի:
- Կաթսան դրեք կրակին, ջուրը եռացրեք, ապա կրակը թուլացրեք, կաթսան կափարիչով ծածկեք ու 20-25 րոպե եփեք մինչև ձվածեղի պատրաստ լինելը:
- Պատրաստի ձվածեղը հենց իր բանկայով անմիջապես մատուցեք: