Պատրաստեք երշիկով, սնկով ու կանաչ, քաղցր պղպեղով այս համեղ պիցցան:
Բաղադրիչները
4 բաժնի համար
- 600 գ շերտավոր խմոր
- 300 գ ապխտած երշիկ
- 1 հատ քաղցր, կանաչ պղպեղ
- 2 ճ.գ. կետչուպ
- 2 ճ.գ. թթվասեր
- 1 գլուխ սոխ
- 8 հատ շամպինյոն (պահածոյացված)
- 220 գ քերած պինդ պանիր
Պատրաստման եղանակը
- Երշիկն ու սունկը բարակ տաշեղների ձևով կտրատեք: Սոխը մանր կտրատեք: Քաղցր կանաչ պղպեղը կիսեք, սերմերը հեռացրեք, տաշեղների ձևով կտրատեք: Կետչուպը խառնեք թթվասերի հետ:
- Խմորը բացեք, տեղադրեք ջուր քսած տապակի մեջ, վրան քսեք կետչուպի հետ խառնած թթվասերը, վերջինիս վրա լցրեք քերած պանրի կեսը:
- Խմորի վրա շարեք երշիկի, սնկի կտորները, կտրտած սոխն ու քաղցր պղպեղը: Վրան լցրեք քերած պանրի մյուս կեսը:
- Պիցցան 25 րոպեով տեղադրեք 200 աստիճան ցելսիուս տաքության ջեռոցում: