Պատրաստեք լոլիկով ու չորահացով այս համեղ աղցանը:
Բաղադրիչները
4 բաժնի համար
- 8 հատ չերրի լոլիկ կամ փոքր չափի լոլիկներ
- 1 մեծ կտոր սպիտակ հաց
- 1 գլուխ կարմիր սոխ
- 1 փունջ մաղադանոս
Սոուսի համար
- 1/2 բաժակ արևածաղկի ձեթ
- 2 ճ.գ. խնձորի քացախ
- 4 պճեղ սխտոր
- աղացած սև պղպեղ, աղ
Պատրաստման եղանակը
- Հացը կտրատեք փոքրիկ խորանարդների ձևով, աղ արեք ու խորովեք ջեռոցի մեջ մինչև ոսկեգույն երանգ ստանալը:
- Սոուսի համար սխտորը կտրատեք, խառնեք ձեթի ու քացախի հետ, աղ ու պղպեղ արեք:
- Լոլիկները կիսեք: Սոխը բարակ տաշեղների ձևով կտրատեք:
- Մաղադանոսը խոշոր կտրատեք, խառնեք լոլիկի ու չորահացի հետ:
- Մատուցելիս աղցանը լցրեք աղցանամանի մեջ, վրան լցրեք սոուսը: