Պատրաստեք բանջարեղենով ու պանրով այս համեղ սուպ-պյուրեն:
Բաղադրիչները
4 բաժնի համար
- 6 հատ լոլիկ
- 1 գլուխ սոխ
- 1 հատ գազար
- 30 գ նեխուրի արմատ
- 1 թ.գ. ձիթապտղի ձեթ
- 2 բաժակ մսային արգանակ
- 2 ճ.գ. սերուցք
- 4 ճ.գ. քերած պարմեզան պանիր
- աղացած սև պղպեղ, աղ, մի փոքր շաքարավազ
Պատրաստման եղանակը
- Լոլիկների վրա խաչաձև կտրվածք արեք, մի քանի վայրկյանով մտցրեք եռացրած ջրի մեջ, հանեք, մաքրեք կեղևից: Լոլիկի պտղամիսը կտրատեք:
- Սոխը, նեխուրն ու գազարը մանր խորանարդների ձևով կտրատեք, ձեթի մեջ տապակեք: Վրան լցրեք մսային արգանակը: Ավելացրեք կտրտած լոլիկը, շաքարավազը, աղ ու պղպեղ արեք, 15 րոպե եփեք:
- Բանջարեղենը արգանակի հետ միասին բլենդերով հարեք, խառնեք սերուցքի հետ, ապուրը տաքացրեք:
- Մատուցելիս ապուրը լցրեք ափսեների մեջ, վրան լցրեք քերած պանիրն ու զարդարեք կանաչիով: