Քաղցր-թթու մարինացված այս վարունգները կարելի է պատրաստել ընդամենը 10 րոպեում: Ձեր սեղանին հրաշալի բանջարեղենային նախուտեստ կհայտնվի, այն կարելի է օգտագործել նաև բուրգեր պատրաստելիս, կամ էլ պահածոյացնել ձմեռվա համար, և կամ օգտագործել աղցաններ պատրաստելիս:
Բաղադրիչները
8 բաժնի համար
- 500գ վարունգ
- 220 գ գլուխ սոխ
- 400 գ շաքարավազ
- 200 մլ 6 տոկոսանոց քացախ
- 2 թ.գ. աղ
- 1 թ.գ. մանանեխի սերմեր
- 1/2 թ.գ. աղացած քրքում
Պատրաստման եղանակը
- Վարունգը բարակ օղակների ձևով կտրատեք:
- Սոխը մաքրեք, կիսաօղակաձև կտրատեք:
- Վարունգը, սոխը, աղը, մանանեխի սերմերը, քրքումը, շաքարավազը և քացախը լցրեք խորը տապակի մեջ: Խառնեք:
- Տապակը 3 րոպեով տեղադրեք ջեռոցում՝ ամենաբարձր ջերմաստիճանի վրա: Հանեք ջեռոցից ու խառնեք: Հետո էլի 4 րոպեով տեղադրեք նույն ջերմաստիճանի ջեռոցում:
- Մարինացված վարունգները հանեք ջեռոցից, լցրեք բանկայի մեջ, հովացրեք ու տեղադրեք սառնարանում:
- Սառնարանից հանեք ու մատուցեք: