Պատրաստեք մարոկկյան ոճով այս ուտեստը:
Բաղադրիչները
4 բաժնի համար
- 1 կգ ոչխարի միս
- 2 գլուխ սոխ
- 2-3 ճ.գ. բուսական յուղ
- 1 թ.գ. աղացած կոճապղպեղ
- 1-2 թ.գ. աղացած քրքում
- 2 թ.գ. աղացած դարչին
- աղ, աղացած սև պղպեղ՝ ըստ ճաշակի
- 1 լ ջուր
- 200-250 գ խուրմա
- 1 ճ.գ. մեղր
- կծու պղպեղ չիլի՝ ըստ ցանկության
Պատրաստման եղանակը
- Միսը համաչափ կտորներով կտրատեք, սոխը մանր կտրատեք:
- Միջին ուժգնության կրակի վրա հաստ հատակով կաթսայի մեջ տաքացրեք բուսական յուղը, յուղի մեջ տապակեք սոխը մինչև թափանցիկ դառնալը, վրան լցրեք աղացած կոճապղպեղը, դարչինն ու քրքումը:
- Տապակած սոխի վրա լցրեք մսի կտորները, խառնելով ևս մի քանի րոպե տապակեք մինչև միսը մի քիչ կարմրի:
- Մսի վրա լցրեք եռացրած ջուրը, որը պետք է միսը համարյա ամբողջությամբ ծածկի: Եռալուց հետո կրակը մի փոքր էլ թեժացրեք ու կափարիչի տակ 1 ժամ կամ 1 ժամ ու կես եփեք:
- Աղ ու պղպեղ արեք: Կաթսայի մեջ լցրեք խուրման մեղրի հետ և 30 րոպե էլ թողեք կրակի վրա:
- Մատուցելիս ցանկության դեպքում շոգեխաշած ոչխարի մսին կարող եք կծու պղպեղ ավելացնել: