Պատրաստեք այս համեղ ուտեստը:
Բաղադրիչները
6 բաժնի համար
- 500 գ տավարի փափուկ միս
- 300 գ լապշա
- 3 հատ միջին չափի կարտոֆիլ
- 1 հատ բուլղարական պղպեղ
- 2 հատ լոլիկ
- 1 հատ գազար
- 1 հատ գլուխ սոխ
- 3 պճեղ սխտոր
- 2 ճ.գ. բուսական յուղ
- 2 հատ դափնու տերև
- աղ ու աղացած կարմիր պղպեղ՝ ըստ ճաշակի
- 1,5 լ ջուր
- 3 ճյուղ կանաչ սոխ
- 2 ճյուղ սամիթ
Պատրաստման եղանակը
- Տավարի միսը լվացեք, փոքր կտորներով կտրատեք:
- Գազարը քերիչով քերեք: Կտրտեք լոլիկը, կանաչ սոխը, սամիթը, մաքրած կարտոֆիլն ու սոխը:
- Խորը թավայի կամ կաթսայի մեջ տաքացրեք բուսական յուղը, մեջը լցրեք տավարի մսի կտորներն ու 8-10 րոպե տապակեք մինչև ոսկեգույն երանգ ստանալը:
- Ավելացրեք գազարն ու սոխը, ևս 5 րոպե տապակեք:
- Ապա ավելացրեք լոլիկը, բուլղարական պղպեղը, դափնու տերևը, ևս 10 րոպե պատրաստեք:
- Ավելացրեք կտրտած կարտոֆիլն ու աղացած կարմիր պղպեղը:
- 10 րոպեից լցրեք տաք ջուրն ու կափարիչը ծածկեք: Թույլ կրակի վրա կես ժամ եփեք:
- Աղ արեք, սխտորը ճզմեք, ավելացրեք ուտեստին, կրակից վերցրեք:
- Լապշան առանձին կաթսայի մեջ եփեք, քամեք:
- Լապշան լցրեք ափսեների մեջ, ավելացրեք բանջարեղենով ու մսով ապուրը, վրան լցրեք կտրտած կանաչ սոխն ու սամիթը: Մատուցեք: