Պատրաստեք այս համեղ ուտեստը:
Բաղադրիչները
6 բաժնի համար
- 800 գ խոզի փափկամիս 1 կտորով,
- 200 գ ռեհանի ու մաղադանոսի տերևներ
- 5 ճ.գ. բուսական ձեթ
- 1 հատ ձվի դեղնուց
- 3 ճ.գ. հազրեվարդ (կտրտած)
- աղ, աղացած սպիտակ պղպեղ
Սոուսի համար
- 5 հատ լոլիկ
- 1 գլուխ սոխ
- 2 պճեղ սխտոր
- 3 ճ.գ. բուսական ձեթ
- աղ, աղացած սպիտակ պղպեղ
Պատրաստման եղանակը
- Ռեհանն ու մաղադանոսի տերևները մանրացրեք: Ավելացրեք ձեթը, հազրեվարդը, աղ ու պղպեղ արեք, խառնեք:
- Խոզի փափկամսի վրա քսեք 2 գդալ ջրի հետ խառնած ու հարած ձվի դեղնուցը: Ապա քսեք պատրաստած խառնուրդն ու տապակեք մինչև պատրաստ լինելը:
- Սոուսի համար լոլիկները կտրատեք: Սոխն ու սխտորը տաշեղների ձևով կտրատեք ու տապակեք ձեթի մեջ: Ավելացրեք լոլիկը: Աղ ու պղպեղ արեք, մի քիչ ջուր լցրեք վրան ու 10 րոպե շոգեխաշեք:
- Մատուցելիս միսը կտրատեք, տեղադրեք մեծ ափսեի մեջ, ձևավորեք սոուսով: