Պատրաստեք այս համեղ ուտեստը:
Բաղադրիչները
8 բաժնի համար
- 1 հատ բարակ լավաշ
- 350 գ թարմ կաղամբ
- 1 հատ գազար
- 100 գ թթու վարունգ
- կանաչ սոխ՝ ըստ ճաշակի
- թարմ սամիթ՝ ըստ ճաշակի
- 2-3 ճ.գ. մայոնեզ
- աղ, աղացած սև պղպեղ
- բուսական յուղ՝ տապակելու համար
Պատրաստման եղանակը
- Պնակի մեջ քերիչով քերեք կաղամբը:
- Քերեք նաև գազարն ու թթու վարունգը:
- Կանաչ սոխն ու սամիթը լվացեք, լավ չորացրեք ու մանր կտրատեք:
- Քերած բանջարեղենն ու կտրտած կանաչեղենը խառնեք իրար, ավելացրեք մայոնեզը, աղ ու պղպեղ արեք: Խառնեք:
- Լավաշը բացեք, վրան հավասարաչափ քսեք ստացված զանգվածը:
- Լավաշը փաթաթեք, ռուլետի վերածեք, մոտ 3 սմ հաստությամբ հավասարաչափ կտրատեք:
- Թավայի մեջ տաքացրեք բուսական յուղը: Լավաշները երկու կողմից տապակեք մինչև ոսկեգույն երանգ ստանալը:
- Թավայից հանեք, տեղադրեք մեծ ափսեի մեջ ու մատուցեք: