Կառավարության որոշմամբ 31 մլն դրամ կհատկացվի ԱԺ բուֆետ-ճաշարանի բարեկարգմանը։ Հարցը չզեկուցվողների թվում էր։
Գործադիրն ԱԺ-ին թույլ է տվել աշխատանքներն իրականացնել առանց գնման մրցույթի՝ մեկ անձից գնելու ընթացակարգով, «ստեղծված իրավիճակում գնման անհետաձգելի պահանջի և գնման այլ ձևերի կիրառման ժամկետի անհնարինությամբ» պայմանավորված:
«ՉԻ». Մի հատ հիմնավորումը նայեք. «ստեղծված իրավիճակում գնման անհետաձգելի պահանջի և գնման այլ ձևերի կիրառման ժամկետի անհնարինությամբ»:
Փաստորեն, ստեղծված իրավիճակ ասելով՝ այս իշխանությունները նկատի ունեն ոչ թե Հայաստանի ու Արցախի շուրջ ստեղծված իրավիճակը, սահմաններում բնագծերի հետ կապված պրոբլեմները, նոր ագրեսիաների հնարավորությունները, այլ իրենց հաց ուտելու պայմանները:
Դե, շատ հնարավոր է՝ խորհրդարանի բուֆետի տեսքը մեր իշխանավորների վրա ճնշող ազդեցություն է թողնում, չեն կարողանում նորմալ մտածել, աշխատել, այստեղից էլ Հայաստանի ու Արցախի համար վտանգավոր զարգացումներին չեն կարողանում լուծումներ գտնել:
Իսկ քանի որ հաց ուտելն ազգային անվտանգությանն առնչվող հիմնախնդիր է, դրա համար էլ հարցը փակ ֆորմատով է քննարկվելու: