ԱԺ նախագահ Ալեն Սիմոնյանը հայտարարել է, թե «Լաչինի միջանցքի փակումն ավելի մեծ վնաս պատճառեց Ադրբեջանին, քան Հայաստանին և Արցախին՝ քաղաքական առումով»։
Ուրեմն՝ հրեան ընկերոջն ասում է «Մո՛յշա, գիտե՞ս, թե ամեն անգամ քո գնալուց հետո ինչեր են խոսում քո մասին», նա էլ պատասխանում է՝ «բան ասեցիր, իմ գնալուց հետո կարող են նույնիսկ ծեծել ինձ»։ Հիմա էս Ալեն Սիմոնյանն է՝ պնդում է, թե Լաչինի միջանցքի փակումը համարյա մեր բարոյական հաղթանակն էր, Ադրբեջանն էլ «իր էշ խելքից» ինքն իրեն ավելի մեծ վնաս է հասցրել, քան մեզ։ Եթե այսպես շարունակվի՝ երևի ադրբեջանցի «բնապահպաններին» ՀՀ ԱԺ մեդալ էլ կտա։ Քաղաքական առումով «Հայաստանին և Արցախին մատուցած ծառայությունների համար»։