ԱԺ փոխխոսնակ, «Դիմադրության» շարժման առաջնորդներից Իշխան Սաղաթելյանը Facebook-ի իր էջում տեսանյութ է տեղադրել, որտեղ ամփոփվել են շարժման նախորդ շաբաթվա արդյունքները:
«Ամփոփում ենք նախորդ շաբաթը, արդյունքները ակնհայտ են, նույն ոգով, ավելի վճռական սկսում ենք շաբաթը. Ազգի հաղթանակը անխուսափելի է»,- գրել է նա:
«ՉԻ». Էդմոնդ Քեոսայանի «Ռուսական կայսրության թագը» ֆիլմում մի դրվագ կա, երբ կայսրի թագի համար պայքարում են երկու ինքնակոչներ: Ռուս վտարանդիներից մեկը հարցնում է. «Մի՞թե իշխանության համար այս պայքարում ավելի հարմար թեկնածուներ չկային, ախր սրանք վերջացած ապուշներ են», ինչին մսյե Դյուկը պատասխանում է. «Նրանք հավատում են իրենց խաղին: Դերասանը միշտ լավն է, երբ հավատում է»:
Պետք է խոստովանել, որ Իշխան Սաղաթելյանը ներքաղաքական այս պայքարում բավական հմտացել է դերասանական արվեստում: Նա արդեն հավատում է այն խաղին, որին մասնակցում է:
Նա այլևս հավատում է ազգի հաղթանակին. այն ազգի, որին իր համախոհները պատրաստ են բոթասի ձախ թայով մի շաբաթ կերակրել: Նա հավատում է այն արդյունքներին, համաձայն որոնց՝ վերջին մեկ շաբաթում ազգի փրկության համար մարտի են նետվել նոր «Բրաբուսներ», Range Rover-ներ, Porsche Cayenne-ներ, որոնց «զապաս պակրիշկայով» կարելի է ազգը մեկ ամիս կերակրել: