Երեկ խորհրդարանում «Հայաստան» դաշինքի նոր պատգամավոր Ասպրամ Կրպեյանը՝ որպես բողոքի նշան, թիկունքով շրջվել է, որպեսզի չտեսնի ԱԺ ղեկավարությանն ու ելույթ ունեցող Նիկոլ Փաշինյանին:
«ՉԻ». Նու, ոչինչ: Տաք է, մեջը ազգային-հայրենասիրական արյունը եռում է: Կսառի, սովորական ազգային-դաշնակցական կդառնա:
Սկզբից ասում են՝ Նիկոլը դավաճան է, սա է, նա է, միայն հրաժարական պետք է տա, նրա հետ խոսելու ոչ մի բան չկա, ոչ մի ընտրություն, միտինգ են անում, փողոց փակում, ի վերջո՝ հայրենիքի փրկությունն ավարտվում է մանդատ ստանալով:
Խորհրդարանում հայտարարում են, որ կապիտուլյանտների հետ ոչ մի համագործակցություն, մի երկու հատ ակցիա են անում, հետո սուսուփուս Իշխան Սաղաթելյանը վազում նստում է Ալեն Սիմոնյանի կողքին:
Այնպես որ, շատ մի խարազանեք Ասպրամ Կրպեյանին, մի քիչ աթոռին հարմարվի, դես շուռ կգա, դեն շուռ կգա, վերջը կգտնի կնոպկայի տեղը: Դա շատ հին ու գեղեցիկ դաշնակցական ավանդույթ է: