Ադրբեջանագետ Արմինե Ադիբեկյանը՝ անդրադառնալով նախկին քաղաքապետ, դերասան Հայկ Մարությանի նոր ներկայացմանը, հայտարարել է. «Հայկոն դեռ բացատրություն չի տվել ֆինանսական այն խախտումների մասին, որոնք տեղի են ունեցել քաղաքապետարանում՝ նրա օրոք»:
ՉԻ.- Բայց ասեք, թե ինչքան սյուր է հնչում, եթե անունները հանում ենք. ադրբեջանագետը դերասանի ներկայացման մասին է խոսում ու ասում, թե դերասանը բացատրություն չի տվել ֆինանսական խախտումների մասին:
Տիպիկ ադրբեջանագետ է: Բացի Ադրբեջանից, մնացած ամեն ինչ գիտեն. մշակույթ, ֆինանսներ, բարձր տեխնոլոգիաներ, ռազմական արվեստ, ագրոնոմիա: Իհարկե՝ մանկապարտեզի երեխայի մակարդակով:
Բայց ոնց են մրմռում. տարին տասներկու ամիս մամուլի ակումբներից դուրս չեն գալիս, երկու հոգու առաջ խոսում են, երբեմն՝ մի հոգու, ու վերջ, դրանից այն կողմ ուրիշ անելիք ու ասելիք չունեն: Հիմա ծանր են տանում, որ ինչ-որ դերասան մի օրում ավելի շատ աուդիտորիա հավաքեց, քան բոլոր այս գիտունիկները միասին վերցրած՝ 10 տարում: