Դդում. Կենդանակերպի նշանը` Արայիկ Հարությունյան
Այս համաստեղության տակ ծլածների համար շաբաթը լիառատ է լինելու:
Երկուշաբթի օրը կհայտարարեք, որ ժամանակն է ռուսական կասկածելի ծագում ունեցող «Գնդլիկ բոքոնիկը» փոխել 21-րդ դարին համահունչ «Գնդլիկ դդումիկով»:
Երեքշաբթի օրը կողջունեք Թրամպի գործողությունները Վենեսուելայի դեմ՝ նշելով, որ սկսվում է բանանային պետությունները դդմային պետությունների վերածելու դարաշրջանը:
Չորեքշաբթի օրը կառաջարկեք արևմտյան արժեքները տարածելու համար Հելլոուինը դարձնել պետական տոն:
Հինգշաբթի օրը կգրեք, որ Ղազախստանից Ադրբեջանի տարածքով Հայաստան է ներմուծվել դդմի կորիզի առաջին խմբաքանակը՝ արդեն չրթած վիճակում:
Ուրբաթ օրը հարմար է օրենսդրական նախաձեռնության համար, որով Արագածյան դաշտավայրում կարգելվի սեխ-ձմերուկ աճեցնելը, քանի որ դդումն այլընտրածք չունի:
Շաբաթ-կիրակի օրերին ստեղծեք Инфотыква24 տելեգրամյան ալիքը, որտեղ պարբերաբար կտեղեկացնեք ձեր աճի ու հասունության ցուցանիշների մասին: