«Գագիկ Ծառուկյան» Բարեգործական Հիմնադրամը ներկայացրել է «Հիսուս Քրիստոսի մոնումենտալ արձան-համալիրի» նախագծի վերջնական անիմացիոն տարբերակը: Արձանի ցուցադրությունն ուղեկցվում է Նիկ Ֆենիքսի Two Steps from Hell երաժշտական կոմպոզիցայի ներքո, որը հայերեն թարգմանված նշանակում է՝ «Դժոխքից երկու քայլ հեռու»:
ՉԻ.- Հա, ի՞նչ վատ է: Նույնիսկ՝ լավ էլ բռնացրել են: Հիսուսի արձանը տեղադրվելու է էկոլոգիական դժոխքի վերածված տարածքում:
Եվ հետո, այս երաժշտությունը օգտագործվել է նաև հոլիվուդյան «Բեովուլֆ», «Հարի Փոթեր», «Սարդ մարդը» ֆիլմերում: Մենք ինչո՞վ ենք իրենցից պակաս:
Բայց որ Գագիկ Ծառուկյանը խելոք լինի, արձանի շնորհանդեսին կմիացնի AC/DC խմբի «Highway to hell» («Ճանապարհ դեպի դժոխք») երգը: Գժական բան կստացվի: Տուրիստ է, որ կխենթանա: