Սփյուռքի նախկին նախարար Հրանուշ Հակոբյանը ֆեյսբուքի իր էջում գրել է. «Այո՛, հանձնում էր՝ առանց մեր ծաղիկ երիտասարդների արյան, տալիս էր՝ ամբողջական Արցախը պահելով, տալիս էր՝ ազգերի ինքնորոշման իրավունքի հիման վրա»:
«ՉԻ». Հանրապետական կուսակցության լիդերին ու անդամներին մի լավ հոգեբան է անհրաժեշտ: Անընդհատ ու շատ խոսեն հոգեբանի հետ, լիցքաթափվեն և չարդուկեն հասարակության գլուխը:
Եթե հանձնում էր, ու Ալիևն էլ համաձայն էր հանձնածի քանակի հետ, ինչո՞ւ տեղի ունեցավ ապրիլյան պատերազմը: Եթե հանձնում էր, ապա ինչո՞ւ գեթ մեկ անգամ հասարակության հետ այդ մասին անկեղծորեն չխոսեց:
«Հանձնում էր՝ պահելով ամբողջական Արցախը»: Միայն այս մտքի մեջ ամփոփված է նախկին իշխանությունների ամբողջ ցինիզմը: 2018 թվականի խորհրդարանական ընտրությունների քարոզարշավի վերջին օրը տեղի ունեցած բանավեճի ժամանակ հանրապետական կուսակցության և Դաշնակցության ներկայացուցիչները պարզապես ստիպում էին Նիկոլ Փաշինյանին, որ նա հրապարակային խոսք տա, թե ազատագրված տարածքները նույնպես Արցախ են: Շատ երկար ստիպեցին, Նիկոլ Փաշինյանն էլ բնավորության համաձայն ընկրկեց:
Միայն այս դրվագը բավարար է՝ բացահայտելու, թե ինչպես են փորձում հերթական անգամ մոլորեցնել ժողովրդին:
Ներկայիս հանրապետականները և մնացած նորաթուխ ոչմիթիզականները նման են այն ահաբեկիչներին, որոնք ուժային կառույցների գրոհի դեպքում փորձում են խառնվել իրենց կողմից նախկինում պահվող պատանդների հետ և ընդհանուր խառնաշփոթի քողի տակ անհետանալ: