ՀՀ գլխավոր դատախազ Աննա Վարդապետյանը, խորհրդարանում լրագրողների հետ ճեպազրույցում անդրադառնալով ԱԺ նախագահ Ալեն Սիմոնյանի թքելու հետ կապված միջադեպին, հայտարարել է. «Ալեն Սիմոնյանն արարքը խուլիգանական դրդմամբ չի կատարել»:
«ՉԻ». Այո, մենք էլ դա էինք ենթադրում: Ի՞նչ խուլիգանություն, ի՞նչ բան: Էդ քաղաքացին որ ԱԺ նախագահին դավաճան է անվանել, Ալեն Սիմոնյանն էլ ռազմահայրենասիրական դրդմամբ է թքել դեմքին:
Թիկնապահներին շատ կուլտուրական ասել է՝ խնդրում եմ, այս քաղաքացու ձեռքերը բռնեք, հետո երևի ասել է՝ հանուն Հայաստանի Հանրապետության, ու նոր դրանից հետո թքել է՝ պահպանելով սանիտարահիգիենիկ բոլոր նորմերը:
Խուլիգանական դրդման հանցակազմ չկա, որովհետև, հազար ներողություն, ԱԺ նախագահը չի խնչել քաղաքացու դեմքին: Այ, որ այդպես աներ, դա արդեն ուրիշ բան, լրիվ քրեականի տակ էր ընկնելու:
Այնպես որ, Ալեն Սիմոնյանից սովորեք թքելու արվեստը: