Տիգրան Ավիրյան. Կենդանակերպի նշանը` Փոսուղ
Այս համաստեղության տակ ծնվածների համար շաբաթը ռազմաքաղաքացիական է լինելու:
Երկուշաբթի կհայտարարեք, որ Պաշտպանության նախարարության հետ համատեղ իրականացվում է «Անանցանելի Երևան» ծրագիրը:
Երեքշաբթի կհայտնեք, որ Դի Ջեյ Վէնսի հետ քննարկվել է TRIPP ծրագիրը Աջափնյակ մետրոյով անցկացնելու հարցը:
Չորեքշաբթի Երևանի ավագանու նիստում որոշում կընդունվի «Փոսի ԳԱԻ»-ն վերանվանել «Փոսերի ԳԱԻ»:
Հինգշաբթի կհայտնեք, որ Երևանում սառցակալած ճանապարհները մաքրելու համար Ղազախստանից Ադրբեջանի տարածքով Հայաստան է ներմուծվել աղի մեծ խմբաքանակ՝ աղի նվազագույն պարունակությամբ:
Ուրբաթ կառաջարկեք գարնանային տաք եղանակներին ընդառաջ փետրվարը դարձնել 23 օր:
Շաբաթ-կիրակի զբոսնելուց շենքերի տակով չանցնեք: Եվ հիշեք՝ փող փորողն ինքն է ասֆալտին փռվում: