Երևանի փոխքաղաքապետ Տիգրան Ավինյանը քաղաքապետարանում գործակարգավարական նիստի սկզբում հայտարարել է. «Գործակարգավարական նիստերը հիմնականում կվարեմ ես»:
«ՉԻ». Մեծ հաշվով, արդեն ժամանակն է: Առջևում Երևանի ընտրություններն են, իսկ նախընտրական հոլովակների համար կադրեր են պետք, որտեղ Տիգրան Ավինյանը նիստեր է վարում: Մինչև հիմա նման կադրերն այնքան էլ լավ չէին նայվում, քանի որ կողքին նստած Հրաչյա Սարգսյանը փչացնում էր ֆոնը:
Ավելին, հիմա մենք սյուժեներ կունենանք, որտեղ Ավինյանը ձեռքը խփում է սեղանին, զայրանում թերացած աշխատակիցների վրա, բացահայտում կոռուպցիոն բաներ-մաներ, մատ թափ տալիս ընդդիմության վրա: Հաշվեք՝ ամեն սյուժեն մի տոկոս ռեյտինգ է բերելու:
Ի զեն, ավելի ճիշտ, ի գործակարգավարական նիստեր: