Երևանի փոխքաղաքապետ Տիգրան Ավինյանը գրել է. «Արդեն երկրորդ օրն է, ինչ Ադրբեջանը փակել է Արցախը Հայաստանին կապող ճանապարհը: Այսօր էլ դադարեցվել է գազամատակարարումը դեպի Արցախ՝ իրավիճակը ձմռան այս օրերին տանելով դեպի հումանիտար աղետ:
Մեզ համար նոր չէ հարևանների այս վարքը»:
«ՉԻ». Մեռնենք քո պոլիտկոռեկտ ջանիի՜ն: Շատ նուրբ դիվանագիտական ակնարկներով է խոսում:
Այնպես է գրել, կարծես խոսքը գնում է կողքի հարևան Գուգուշի մասին, որը դռելով պատ է ծակում ու անհանգստացնում հարկի բնակիչներին:
Հետաքրքիր է, թե ինչքան է մտածել, թե ոնց ձևակերպի Ադրբեջանի հերթական ագրեսիվ գործողությունը: Գրեր՝ ա*երի, ֆեյսբուքը բլոկ կաներ (մենք էլ ենք խուսափում, թե չէ մեզ էլ բլոկ կանեն), գրեր՝ թուրք-ադրբեջանական սադրանք, Ռուբեն Ռուբինյանը կնեղանար:
Ճիշտը հարևանն է: Համ էլ՝ հարևանների հետ կարելի է լեզու գտնել, եթե իհարկե, լեզվին տիրապետում եք: