Երևանի քաղաքապետ Տիգրան Ավինյանը, անդրադառնալով Երևանի կենտրոնում թենիսի կորտերը քանդելու թեմային, ասել է. «Բոլոր նրանց, որ ճանճերի նման հավաքվել էին այս թեմայի շուրջ, որ քաղաքական դիվիդենտներ շահեն, ասեմ` չի ստացվի»:
«ՉԻ». Փաստորեն, մեր հանրությունը բաղկացած է ճանճերից: Որովհետև ամբողջ հանրությունն էր հավաքվել այս թեմայի շուրջ:
Այսինքն՝ խելքներին ինչ փչի, անեն, մարդիկ դա քննադատեն, քննարկեն, ասելու են՝ ճանճեր են: Ու այ սենց հանրությունն ամեն օր հավաքվում է մի թեմայի շուրջ. մի օր՝ թենիսի կորտերի, հաջորդ օրը՝ ձյան տակ մնացած ու մահացած զինվորի, երրորդ օրը՝ Փաշինյանի խաղաղության փակուղու:
Ուղղակի Ավինյանին ասենք, որ ճանճերը, որպես կանոն, հավաքվում են աղբի վրա: Հիմա ի՞նչ մեղավոր են, որ ձեր բռնած գործերից գարշահոտ է գալիս: