Hraparak.am-ը գրել է, որ Ռոբերտ Քոչարյանը շաբաթներ առաջ Ծաղկաձորում դահուկ քշելիս ընկել և վնասվածքներ է ստացել։ Նա տևական ժամանակ է բուժում է ստանում։ Ճիշտ է` չի հոսպիտալացվել, բայց տանը սիստեմաներ է ստանում, քանի որ բավականին լուրջ վնասվածքներ է ստացել:
«Որոշվել է այս տեղեկատվությունը չհրապարակայնացնել` հավանաբար համարում են, որ դա կվնասի Ռոբերտ Քոչարյանի իմիջին։ Հենց այս վնասվածքներով էր պայմանավորված, որ նախորդ դատական նիստին նա չմասնակցեց»,- գրել է կայքը:
«ՉԻ». Լավ չի, էլի: Հեչ լավ չի: Ինչքան ծրագրեր ուներ Ռոբերտ Քոչարյանը, որոնք այս անտեր վնասվածքի պատճառով անկատար են մնալու:
Հայաստանում և Արցախում նման ծանր իրավիճակ է, և մարդը հերոսաբար դահուկ քշելու ժամանակ է գտնում, որ ցույց տա հայի անկոտրում կամքը:
Դեռ պիտի գնար, սաֆարի-մաֆարի աներ, մի երկու հատ սատկած առյուծ թամքեր, որ ցույց տար հայի անկոտրում մարտական ոգին:
Ֆինլանդիա պիտի գնար, որ ցույց տար հայի անկոտրում բիզնես-ջիղը:
Պիտի Մոսկվա գնար, կարևորագույն հանդիպումներ ունենար Կրեմլին մոտ կանգնած 2-րդ նրբանցքի մոտ, որ ցույց տար հայի անկոտրում դիվանագիտական հմտությունները:
Որքա՜ն ծրագրեր, գնացին, կորան: