Այսօր հրավիրած ասուլիսում Ռոբերտ Քոչարյանը հայտարարել է, որ այս իշխանությունները ժողովրդի անունից խոսելու իրավունք չունեն, քանի որ ժողովրդի մեծամասնությունն այսօր իրենց կողքին չէ: Այնուհետև Քոչարյանը մեջբերել է վրացական ասացվածքից. «Ոչխարն ամբողջ կյանքը գայլից էր վախենում, բայց վերջում չոբանը կերավ»:
«ՉԻ». Էս վերջերս Քոչարյանի կրտսեր որդին էր ոչխարի թեմայով խոսել՝ որոշակի զուգահեռներ անցկացնելով ոչխարների և ժողովրդի միջև: Փաստորեն, երևի տանը հիմնականում ոչխարներից են խոսում:
Եթե թարգմանենք Ռ. Քոչարյանի ասածը, ապա ստացվում է հետևյալը. ժողովուրդը իրենից վախենում էր, բայց վերջում Փաշինյանը կերավ ժողովրդին:
Ու այստեղ հարց է առաջանում. բա ինչի՞ է ժողովուրդը քեզանից վախենում, այն աստիճան, որ պատրաստ է այն բանին, որ Փաշինյանն իրեն ուտի: Ինչքա՞ն մարդ պետք է մերժված լինի, որ մարդիկ գերադասեն Փաշինյանին:
Ու քանի որ այս հարցի պատասխանը Քոչարյանը չի հասկանում, իրեն թվում է, թե ժողովուրդն է ոչխար, որ իրեն չի հասկանում: Մինչդեռ ոնց դու ես ժողովրդին վերաբերվել 10 տարի ու շարունակում ես վերաբերվել, նույն կերպ էլ ժողովուրդն է քեզ վերաբերվում: